Grethe By Rise 1_350x241

- Eit svært flott utstillingslokale

Opprettet: 30. okt. 2010
Opprettet av: Bjørn Tore Brøske
- Dette er eit svært flott utstillingslokale. Og det var svært gledeleg at så mange mange møtte opp her i dag, seier Grethe By Rise. Laurdag ettermiddag opna Trondheim-kunstnaren si utstilling i Surnadal Kulturhus, der ektemannen Ola By Rise også var med - som "skald".

 

Surnadal Kunstforening si utstilling med Grethe By Rise samla eit stort publikum i Finstuå i kulturhuset. Ektemannen Ola - journalist, tidlegare RBK-keeper og no assistenttrenar for fotballandslaget - introduserte kona og utstillinga gjennom eit dikt, og i tillegg deltok aktørane i "Med segl og Wichmann" med utdrag frå fjordakabareten som skulle visast i kulturhuset seinare på kvelden.

Utstillinga står til 7. november, og Grethe By Rise kunne allereie laurdag ettermiddag gle seg over at mange av dei fargerike måleria hadde funne seg kjøparar.

- Dette er første gong eg stiller ut i Surnadal, men eg hadde høyrt mykje fint om lokalet her på førehand. Elling Reitan stilte ut her under Vårsøghelga i vår, og han roste Finstuå for lyset og utforminga, sier Grethe By Rise til Trollheimsporten.

På bildet presenterer ho måleria sine for publikummet i kulturhuset, medan ektemannen Ola fotograferer utstillingsopninga.