Actionfylt Romjulscup i Surnadal

14 lag deltek i år i Surnadal IL Fotball sin Romjulscup. I tillegg til frå Surnadal, er lag og spelarar komne frå Rindal, Sunndal, Orkanger, Svorkmo og Meldal for å kjempe om seieren.

Fjorårsvinnar Hovmod, med base i Rindal, deltek ikkje i år. Finalemotstandar frå 2017, Dirty Flirty, har slått seg saman med ein annan rutinert gjeng - Åsskard - under namnet Dirty Åsskard.

Mange straffesparkkonkurransar

I fjor møttest sunndalingane i Rille og Høkkert frå Surnadal i bronsefinalen. Dei to laga har begge vunne turneringa fleire gonger tidlegare, og i år møtest dei to allereie i gruppespelet. Rille trakk det lengste strået og vann 2-1, men begge laga gjekk vidare frå gruppa.

Det var duka for eit nytt skikkeleg prestisjeoppgjer i første kvartfinale, der Rille møtte Ballatasaray. Sistnemnde lag består stor sett av A-lagsspelarar frå Surnadal, og etter uavgjort ved full tid gjekk Ballatasaray vidare etter straffesparkkonkurranse. 

I andre kvartfinale møtte Høkkert orkdalingane Rian Farmers, som kanskje var laget som imponerte aller mest i det innleiiande puljespelet. Etter ein jamn kvartfinale måtte også denne kampen avgjerast ved straffesparkkonkurranse, der Høkkert trakk det lengste strået.

Hana tok ein kontrollert 2-0-seier mot Svorkmo-laget Underdog i tredje kvartfinale, medan Dirty Åsskard slo Blomkålkameratene etter ny straffesparkkonkurranse i den siste. 

Jamne semifinalar

Ballatasaray og Hana målte krefter i første semifinale, og etter at Hana var i føringa med eit par minutt att, snudde Ballatasaray og vann 4-2 - etter to seine mål av Håkon Sæther.

Den andre semifinalen gjekk mellom Dirty Åsskard og Høkkert, og etter 4-4 etter ordinær tid var det klart for ny straffesparkkonkurranse. Den vann Dirty Åsskard, som dermed kapra den andre finaleplassen.

I bronsefinalen vart det 4-1-seier til Høkkert over Hana. Høkkert donerte premiesjekken for tredjeplassen til barnefotballen i Surnadal IL Fotball.

Resultata i cupen så langt er som følgjer:

Gruppe A:

Rille-Lads FC 4-0
Høkkert-UnReal Madrid 4-0
Rille-Høkkert 2-1
Lads-UnReal Madrid 1-2
Rille-UnReal Madrid 3-1
Lads FC-Høkkert 1-6

Gruppe B:

USA-Oddbjørns Angels 1-2
Ballatasaray-Rian Farmers 2-4
USA-Ballatasaray 0-6
Rian Farmers-Oddbjørns Angels 7-1
USA-Rian Farmers 1-5
Oddbjørns Angels-Ballatasaray 0-7

Gruppe C:

Hana-Redsea 6-0
Hana-Blomkålkameratene 3-2
Redsea-Blomkålkameratene 2-2

Gruppe D:

Dirty Åsskard-Farlig Tversover BK 4-0
Dirty Åsskard-Underdog 6-0
Farlig Tversover BK-Underdog 2-3 

Kvartfinalar:

Rille-Ballatasaray 2-2 (1-2 etter straffesparkkonkurranse)
Rian Farmers-Høkkert 1-1 (2-3 etter straffesparkkonkurranse) 
Hana-Underdog 2-0
Dirty Åsskard-Blomkålkameratene 1-1 (2-1 etter straffesparkkonkurranse)

Semifinalar:

Ballatasaray-Hana 4-2
Høkkert-Dirty Åsskard 4-4 (2-3 etter straffesparkkonkurranse)

Bronsefinale:

Hana-Høkkert 1-4

Finale:

Ballatasaray-Dirty Åsskard 1-5 (1-1)

Surnadal Idrettslag er medlem av Trollheimsporten