.png)
Vil ikkje tvingast til samanslåing
Aspli frustrert og skuffa
Fleire Arbeidarpartiordførarar reagerer med vantru på at Helga Pedersen opnar for å tvinge kommuner til å slå seg saman. Rindalsordførar John Ole Aspli meiner forslaget er hårreisande og er både frustrert og skuffa.
– Eg er sterk motstandar av tvang som verkemiddel i dei fleste samanhengar, og i alle fall i denne samanhengen, seier han til NRK Møre og Romsdal.
Han misliker sterkt at nestleiar Helga Pedersen kjem med dette no.
– Seinast i fjor gjorde landsmøtet eit vedtak om vår haldning til dette. Difor blir eg forundra og skuffa over at ho kjem med eit slik signal, seier John Ole Aspli.
