.png)
Batteri på femteplass i The Global Battle of Bands
Batteri frå Surnadal kom søndag kveld på ein respektabel femteplass i norgesfinalen i The Global Battle of the Bands, verdas største talentkonkurranse for band. Det melder Driva på nett. Svært bra innsats av bandet frå Surnadal.
Av 80 grupper frå heile landet som deltok i kvalifiseringsrundane, gjekk 20 vidare til landsfinalen på konsertstaden John Dee i Oslo. Med åtte minutt til disposisjon på scena, gjorde Hans Olav Settem (vokal/gitar), Stein Boge (gitar), Oddbjørn Sponås (trommer), Brage Kristian Einum (tangentar) og Sondre Skogseth (bass) i Batteri ein overbevisande innsats både musikalsk og visuelt søndag kveld. Publikum, mange av dei bransjefolk, og juryen belønna altså surnadalsgruppa med ein femteplass. Det skriv Driva på nett i dag.
Under ser vi Sondre skogseth og Batteri da Elementa vart presentert.
