Blest og prest julaftan

Blesten har sitt å by på av musikk i Rindalskyrkja julaftan. Som alltid før, stiller dei i Rindalskyrkja ein halv time før gudstenesta for å varme opp instrumenta ved å spela for oss. Vidare deltek dei i gudstenesta som startar kl. 15. Når det blir presten sin tur, skal eg seia eitkvart om kor godt det er for oss at Jesus vart født fattig og omkransa av fattige. Vel møtt til musikk og salmesong, juleevangelium og ettertanke.