.png)
Det handlar om rettferd
Dette er overskrifta på Kirkens Nødhjelp sin fasteaksjon i år. Konfirmantane i Rindal og Surnadal skal ha ein dør-til-døraksjon i dag tirsdag 12.april. Bygdene er delt inn i roder slik at alle skal få besøk og høve til å dele med dei som er i dagleg nød. Dette fekk konfirmantane i Rindal og Surnadal høre om på torsdag.
Vegard Troøyen Foseide hadde sist torsdag time med konfirmantane etter skuletid på Rindal bedehus. Om kvelden hadde han møte med konfirmantar og foreldre i Surnadal.
Vegard er kommunikasjonskonsulent i Changemaker som er ungdomsorganisasjonenen til Kirkens Nødhjelp.
Les også på kyrkjelydssidene for Rindal og Surnadal!
I Rindal bedehus fekk konfirmantane høre at dei hørte med til den rike delen av verda. 5 konfimantar vart kalla fram og fekk utdelt to posar med godteri. Resten måtte sjå på. Slik er fordelinga av godene i verda. Kva ville dei 5 utvalde gjere med godteriet? Ville dei dele? Det viste seg at det ikkje var så vanskeleg der dei stod framfor dei med fulle posar. Men er det like lett å vere med på å dele med dei som vi ikkje står ansikt til ansikt med?
Det er det fasteaksjonen i dag handlar om.
Det handlar om rettferd!
Vil desse 5 dele?
– Over ein milliard menneske lever i ekstrem fattigdom. Urettferd tek menneskeliv kvar dag. I år set Kirkens Nødhjelps fasteaksjon søkjelyset på økonomisk rettferd. Saman kan vi kjempe for ei framtid utan fattigdom.
– Det er kyrkjelydar landet rundt som står for gjennomføringa av Kirkens Nødhjelps fasteaksjon. Rindal, Surnadal og Stangvik kyrkjelydar arrangerer aksjon tysdag 12. april, mellom ca kl. 17.00-20.00.
– Pengane som blir samla inn, går til Kirkens Nødhjelps arbeid over heile verda.
-
Om du ikkje får gi då, støtt gjerne aksjonen direkte ved å:
o Nytte kontonummer 1594.22.87493.
o Ringje givartelefon 820 44 088 (200 kroner)
o Sende ein sms til 2090 (100 kroner)
Klikk på bilda nedafor og sjå dei større og som bildeserie! .
