Fjøsinnflytting på Landsemna

 Det nye fjøset har mjølkerobot som erstattar budeia. Etter nokre innkjøringsdagar vil kyrne finne vegen til roboten for mjølking sjølv. Dei første gongene måtte dei ha mykje "hjelp". Sjølve flyttinga av kyrne frå gammelfjøset til nyfjøset skjedde etter morgonmjølkinga, og kveldsmjølkinga av dei 30 kyrne skjedde i nyfjøset av "nybudeia"!  

Den gamle røkku er erstatta av ei mekanisk løysing som går automatisk! Foreløpig brukar dei den gamle forutleggaren, så dei må kjøre den eit par gonger i døgnet, men den kan også automatiserast.  

Kanskje det blir betre tid til å kose dyra?

Det nye fjøset er svært lyst og triveleg med vekt på overlys som er betre for dyra. Ingen av bilda her er tatt med blits.

Ein merker seg særleg dei store vindua i gavlene.

Ventilasjonen i fjøset er naturleg balansert, frisklufta kjem inn øvst på sideveggene. Det du ser der er ikkje vindu, men lufteopningar (bilde t.h.) som ein kan opne og lukke mekanisk. Uttrekket er naturleg nok ved mønet. Den oppvarma lufta frå fjøset blir trekt ut naturleg langs heile mønehatten.

Når fjøset blir fyllt opp, skal det vere 56 mjølkekyr og om lag like mange kalvar og ungdyr. Dette talet vil variere. Varmeproduksjonen frå dyra skal med denne ventilasjonen halde rundt 7 varmegrader. Om sommaren vil ein stor port vere open ut til beitet. Kyrne vil gå inn for mjølking og tilleggsfôr, og kanskje for å kjøle seg på varme dagar!

Les meir om bakgrunnen og om bygginga av det nye fjøset her på Trollheimsporten frå september!  

Klikk på bilda nedafor for å sjå dei større og som bildeserie!