.png)
Fullt hus for Rønning
Torsdag 4. nov-ember har Surnadal Sparebank invitert til treff i hovudkontoret på Skei, der Eldar Rønning vil fortelje om karriera si som skiløpar, og om kva som motiverar til stadig å prestere i konkurransar heime og ute. I tillegg skal Intersport Surnadal og Kårvatn Fjellutstyr presentere vintersportsklede og -utstyr, vist av lokale mannekengar. Førehandsinteressa for treffet har vore stor, og banken melder no om at det er fullt på arrangementet.
Eldar Rønning (28) fekk sitt internasjonale gjennombrot i 2005, da han fekk medalje i tre verdscuprenn i sprint, og kom på andreplass samanlagt i sprintcupen. Den sesongen fekk han også sin første verdscupsiger, på sprinten i Reit im Winkl. Han representerte Norge i sprinten under VM i Oberstdorf, og endte der på 11. plass.
I VM 2007 i Sapporo fekk han bronse på sprint, klassisk stil, og gull på 4x10 km stafett. Han kom på tredjeplass i verdscupen denne sesongen. I Ski-VM 2009 i tsjekkiske Liberec var han på det norske gullstafettlaget saman med Odd-Bjørn Hjelmeset, Tore Ruud Hofstad og Petter Northug.
I tillegg til mannekengoppvisninga og Rønning sitt foredrag, vil banken fortelje litt om sine produkt innan forsikring og sparing.
