Fylkesmeister i yrkesfag

På bildet ser vi Ola Bolme med vandrepokalen, flankert av ein elev frå Molde (t.v.) og Ålesund. (Foto: Kristiansund vgs).

Ola Bolme frå Todalen er elev ved Kristiansund videregående skole, Vg2, og torsdag vart han fylkesmeister i yrkesfag, kjøretøy. Ola og lærar Einar Einvik skal no delta i NM på Hamar i uke 15.

Konkurransen var firedelt, fortel Ola Bolme. Første øvinga handla om elektro. Dei skulle finne fram til spenningsfeil i nærlyskretsen til ein bil og måle seg fram til den. Så skulle dei kontrollere kjølesystemet til ein bil. Tredje del var å legge om to dekk på ein bil, med dekkmaskin, og så sette dei på att. Siste øvinga var å ta ut gearkassen på ein motormodell og måle slitasje av kløtsjen.

Dei hadde 45 minutt på kvar oppgave, og Ola hadde berre litt tid att på alle øvingane, fortel han.

Premien i fylkeskonkurransen var i tillegg til vandrepokal, medalje og eit par reklamegenserar. Han fekk også med seg nokre bilpleieprodukt, så no skal det bli fine bilar i Todalen, lova han!

Vandrepokalen skal stå på ei hylle i verkstaden på skulen.

I veke 15 skal han og læraren møte vinnarane frå 12 andre fylke til landsfinale. Etter vinterferien får han greie på kva øvingar som inngår i landsfinalen.

Trollheimsporten gratulerer Ola Bolme med plass i landsfinalen!
Til hausten skal ta lappen, og Surnadal Lastebilverkstad må vere nøgd med den nye lærlingen dei tek inn til sommaren.