.png)
Fasteaksjonen 2015
Gav til vatn
Konfirmantane i Rindal og Surnadal med hjelparar gjennomførte tirsdag ettermiddag den årlege Fasteaksjonen, ein innsamlingsaksjon til Kirkens Nødhjelp. Resultatet for Rindal er klart, og rykta fortel om stor gjevarglede i Surnadal også.
I Rindal viste oppteljinga onsdag 37 909 kroner, mesta 3 500 kroner meir enn i fjor! Saman med resultatet fra Surnadalssokna så vart det samla inn 142 420 kroner, som er ny rekord!
Les meir om kva pengane skal gå til i denne omtalen av Fasteaksjonen!
Er ein skada og ikkje kan gå med bøsser, så kan ein steike bakels! Ole Martin Glåmen tok dagens vaffeldag på forskott og gav alt framfor bakelsjarnet!
Etter kvart strømma innsamlarane inn med tunge bøsser! Over ser vi Guri Glåmen, Marina Reitan og Mia Bakken, og under Ida Halgunset og Gjertrud Moen med bøssene sine, klare til å kose seg med varme bakels.
Foto: Kjellaug Foseide
