.png)
Gerd Ingrid Kvendset blir dagleg leiar for Vårsøghelga
Gerd Ingrid Kvendset (44) er tilsett som ny dagleg leiar for Laget Vårsøg. - Blant kandidatane vi hadde inne til intervju, er Kvendset den vi meiner best kan utvikle Laget Vårsøg og Vårsøghelga vidare i den retninga vi håpar på, seier avtroppande styreleiar Bergsvein Brøske.
Kvendset er utdanna førskulelærar med dramafordjupning, og har vidareutdanning i teater for barn ved Høgskolen i Oslo. No er ho lærar i drama og teaterfag ved Kulturskolen på Indre Nordmøre, og har i tillegg vore sentral i fleire teater- og musikaloppsetningar i distriktet.
Jobben som dagleg leiar for Laget Vårsøg er i 50 prosents stilling, og Kvendset startar 1.oktober.
Bergsvein Brøske, som er direktør ved Vårsøg Hotell, går sjølv av som styreleiar for Laget Vårsøg for å konsentrere seg om den tidkrevjande jobben med ferdigstilling, marknadsføring og vidare innsal av det ombygde hotellet, som skal ha nyopning 1. november. Etter planen skal ny styreleiar vere på plass i slutten av september.
