Gir tilskot ved utskifting av vedomn

Som ein del av gjennomføring av kommunen sin klima- og energiplan gir Surnadal kommune no 2000 kroner i tilskot ved utskifting til ny og meir reintbrennande omn. Tiltaket er for å få redusert utslepp av partiklar og svevestøv, og gir betre utnytting av veden. Den nye omnen skal tilfredsstille gjeldande utsleppskrav, og det kan søkjast om tilskotet etter at omnen er innkjøpt, mot framlegging av kvittering og naudsynt dokumentasjon. Løyvinga er avgrensa slik at det er dei 25 første søknadane som imøtekjem krava, som blir innvilga. Søknadsskjema er å finne på Surnadal kommune si heimeside.