Invitasjon til Mørekonferansen

Mørekonferansen 2010 – vekst trass dystre spådommar

Vi har lykkast! Trass i at industridød og krise i det regionale næringslivet
har vore spådd i fleire tiår, har talet på arbeidsplassar i industrien meir
enn dobla seg dei siste tjue åra. Omstillingsevne og vilje til endring har
gjort at vi har fått vekst i viktige bransjar. Årets Mørekonferanse set
fokus på nokre av suksesskriteria som har gjort at spådomen slo feil, og ser
på ulike strategiar for å sikre vidare vekst.

På konferansen innleier mellom andre:
* Rikke Lind, statssekretær, Nærings- og handelsdepartementet
* Per Eriksson, tidlegare generaldirektør i Vinnova, no rektor ved
Lund Universitet
* Anders Almestad, konserndirektør i Rolls Royce Marine
* Øyvind Tørlen, administrerande direktør i Ekornes AS
* Tomas Settevik, administrerande direktør i Stokke AS
* Inge Furre, sjeføkonom i Sparebanken Møre
* Arild Hervik, professor ved Høgskolen i Molde


På Mørekonferansen vil vi lansere årets konjunkturbarometer - TEMP, og
presentere sentrale utviklingstrekk, funn og analyser denne.
Anne Breiby vil leie oss gjennom dagen, og under konferansen vil musikar og
samfunnsrefsar Ole Paus gi oss kulturelt påfyll, gjennom skråblikk og
musikk.

Mørekonferansen 2010 vert arrangert onsdag 24. november på Rica Parken hotel
i Ålesund.

Sett av datoen allereie no, og bli med på ein av årets viktigaste
møteplassar.

Fullstendig program og påmeldingsskjema vert sendt ut i veke 43.




Anne Marte Ostad

Rådgivar Verdiskaping
Regional-og næringsavdelinga
Fylkeshuset
6404 Molde
Tlf: 71 25 80 41