Kyrkjetrim Hjelmkonn%E5 Roing Kleppnausta 2010

Jubileum for Kyrkjetrim

Opprettet: 5. juni 2012
Opprettet av: Anne Skjølsvold
Kyrkjetrimmen i Åsskard jubilerer! Det er 25 år sidan Bøfjord Idrettslag og Åsskard sokneråd starta samarbeidet om å kombinere gudsteneste med trimtur til og frå kyrkja. I år blir opplegget ein del av Bøfjordhelga. Turen til lands startar ved Olastua på Bø. Den 7 km lange løypa i vakkert landskap langs fjorden er lett å gå. Elles kan ein dra sjøvegen – med årer eller motor – slik kyrkjefarten gjekk i gamle dagar.

Etter messa kan ein gå tilbake til Bøfjorden på nordsida av fjorden. Her vil også bilskyss vera aktuelt for den som ønskjer det.

Kyrkjekaffe – eller grillmat, om ein vil – kan ein innta på Bøfjorden oppvekstsenter, der Bøfjordhelga framleis er i full gang.

Tidlegare rektor Ruth Sætherø stod i spissen da idrettslaget i 1987 lanserte tanken om å kombinere fysisk og åndeleg fostring med slik trimtur til kyrkja. Sia den gong har Kyrkjetrimmen vore regelmessig, om den enn enkelte gonger har gått til friluftsgudstenester ulike plassar i soknet.

 

 Bilda under representerer både historia og ulike framkomstmåtar:

 

Organist Bernt Bøe (midta) oppfordrar Randi Irene Bæverfjord, Leif K. Bøe og andre til søndagstrim frå Bølandet til Åsskard-kyrkja, som vi skimtar inst i fjorden. (Foto: Lars Magne Bæverfjord)

Kyrkjetrim anno 2003. Fremst frå venstre Sigrid Bøe, klokkar Randi Bøe og soknerådsleiar Harry Skrøvset. Bak: Leif Erling Bøe, Oddmund Gravvold og (så vidt synleg) Kirsten Baadnæs Bøe. (Foto: Bernt G. Bøe)

Historisk å dra sjøvegen. Kyrkjebåten Hjelmkonnå på heimveg frå gudsteneste i august 2010. (Foto: Stein Engset)


Åsskard kyrkje er både saftstasjon og gudstenestearena. Prest er Bernt Venås, og vesle Lilje Mathea blir døypt denne søndagen.