.png)
Jubileums- og nyttårsfest
Da Surnadal Normisjonsforening inviterte til Nyttårsfest kom det folk frå mange kantar for å feira at det i året som gjekk var 150 år sidan Santalmisjonen starta arbeid i India og i år 150 år sidan Indremisjonsforbundet vart gunnlagt i Norge.
Festen var ei verdig markering der misjonssekretær for Asiaregionen Oddvar Holmedal (over) orienterte i ord og bilete om Santalmisjonens fantastiske historie og om stort fruktbringande arbeid i dei nasjonale kyrkjer i dag, og rapporterte frå jubileumsfeiring i India der 4000 menneske var samla, og frå det store leiartreningsopplegget som misjonen arrangerer i India og Bangladesh, ikkje minst det flotte bønearbeidet. Men det er gripande å høyra om kristne i India som er redde for livet sitt fordi dei blir truga av hindufundalistar.
Svein Dalen gjekk gjennom den interessante historia til Indremisjonen.
Ikkje minst sette songaren Per Otto Lilleberg spiss på festen med sitt sterke vitnespyrd og flotte songar sammen med kona Berit på piano.
Det vart også markert at det var Heilagtrekongarsdag med at Elise og Ida tente det tredelte lyset.
Flott servering høyrde sjølvsagt også med ved ein jubileumsfest.
Tekst: Einy Rendal Elgsæther. Foto: Ester Karin Larsen.
