.png)
Kallakunst i Finstuå
Fredag ettermiddag var det opning av ei ny utstilling med kunstverk av Kalla Skrøvset på Surnadal Kulturhus. Utstillinga fokuserer på den sakrale kunsten hennar, og vil bli ståande til ut i januar, eller fram til opning av ei ny utstilling i Finstuå. Dette er den andre utstillinga med bilde av Kalla på Kulturhuset, og kunstverka består av både oljemåleri og mosaikkar. Far og dotter, Bernt Bøe og Sigrid Vetleseter Bøe, underheldt med vakker song og musikk under opninga fredag. Fryd for både øyro og augo, med andre ord.
Marta Havdal, som saman med søstera Laila Skrøvset har plukka ut bilda til utstillinga i Finstuå. Alle foto: Norunn Holten.
Over til venstre: Sigrid Vetleseter Bøe er inne i sitt andre år ved musikkkonservatoriet og viste ved opninga av kunstutstillinga at ho har vidareutvikla ei stemme som alt i utgangspunktet var vakker.
Over til høgre: Ei av mange soler på bilda til Kalla Skrøvset.
