.png)
"Kastanjen" opna for uteservering
Dei siste vekene har dei snekra og saga på ettermiddags- og kveldstid for å få Vårsøg Hotell si nye uteservering ferdig. Laurdag kveld kunne Knut Sommerro, Kristian Nes og Ole Erik Bævre konstatere at "Kastanjen" ved Musters Pub vart godt motteken under den offisielle opninga.
Surnadal-ordførar Mons Otnes sto for snorklippinga da plattingen under hestekastanjetreet vart innvia, og hotellet hadde for anledninga spesialtilbod på "kastanjeburger".
Knut Sommerro, Kristian Nes og Ole Erik Bævre har hatt hektiske dagar med å få ferdig uteserveringa til åpningsdatoen, men plattingen fall så absolutt i god smak hos dei frammøtte.
- No håpar vi at folk nyttar høvet til å få flott uteservering under kastanjetreet, seier salssjef ved Vårsøg Hotell, Karin Åsbø.
