Kjempeinnsats for Kirkens Nødhjelp

I store og små sokn er fasteaksjonen ein del av konfirmantplanen. Og på stader med få konfirmantar trer dei vaksne til – både som sjåførar og innsamlarar.

Soknerådsmedlemmene i Åsskard deltok på kvar sin måte: Gunda Bele (frå venstre) som «konfirmant» (les: bøsseberar), Bernt Bøe som sjåfør og May Britt Johnsen som KN-kontakt med ansvar for samordning. ​

Vel mottekne

Som i Åsskard, der dei to konfirmantane Mia og Aurora fekk assistanse av soknerådsmedlemmer og andre frivillige. - Men vi vart vel mottekne, sjøl om ikkje alle var heime. Mange hadde pengane klare der vi kom, lydde kommentarane i kyrkjestua etter endt aksjon. Der vanka det saft og bakels og fortent ros frå den lokale aksjonsleiinga.

Vatn reddar liv!

Årets KN-aksjon fokuserer på å skaffe vatn og sanitærhjelp i utsette område. Under mottoet «Vann forandrer alt» peikar Kirkens Nødhjelp på at reint reddar liv. Behovet er enormt -  over 800 millionar menneske manglar tilgang til reint vatn – men kvart år skaffar KN nødvendig vatn til bortimot 3 millionar.

Da monnar aksjonen i sokna på Nordmøre og resten av landet faktisk ikkje så lite – trass alt! Ikkje minst fordi Kirkens Nødhjelp kan bevise at heile 9 tideler av innsamla midlar går direkte til formålet. Den siste tidelen trengst til organisering og kvalitetssikring av arbeidet.

I løpet av onsdagen blir bøssene tømte og innhaldet rekna saman. I tillegg kjem vipps-innbetalingar, takkoffer i kyrkjene og andre gåver. Og da knyter det seg spenning til det årlege spørsmålet: Blir det ny rekord denne gongen?

Konfirmant Aurora leverer velfylt bøsse etter å ha gått frå dør til dør på Nordstranda i Bøfjorden.

Tekst og foto frå Åsskard er innsendt av Bernt G. Bøe

Her er resultatet fra Surnadal og Rindal sin innsamling til Fasteaksjonen:

Rindal : 39.260,-
Åsskard: 12.684,-
Stangvik: 9.972,-
Todalen : 7.612,-
Mo:          10.312,-
Øye/Ranes: 39.777,-

Til sammen har det kommet inn kr.  119.617,- med Vipps.

Ledar for Innsamlingsaksjonen Gro Hauge Venås rettar ein stor takk til alle konfirmantar, frivillige og foreldre som deltok på innsamlingsdagen tirsdag 9. april.

Sara Moen

Lene prest i lag med Daniel Ranheim og Harald Langli.
 

Takk til alle som deltok, både konfirmantar som gjekk med bøssene og gjevarane, frå innsamlingsleiarane i Rindal sokn!

Foto frå Rindal: Kjellaug Foseide