.png)
Klare for seriestart
Det er samarbeid over kommunegrensene innan handballen i dalføret. Torsdag klokka 1900 i Rindalshuset har Surnadal/Rindals-Troll G14 seriestart mot Klæbu/Kattem 2, og den glade gjengen på bildet håpar publikum møter opp og får med seg oppgjeret.
Første rekkje f.v.: Amund Bakken, Eskil Mogstad, Jonas Rognskog, Mikkel Bæverfjord, Andreas Nordvik, Torgeir Mikkelsen, Webjørn Bergheim. Bak f.v.: Espen Mossefinn, Anders Grytbakk, Jon Sande, Ole Ivar Bolme, Lars Bæverfjord og trenar Anders Moe Sæter.
Fleire lag frå Surnadal IL skal også i aksjon denne veka. Laurdag 6.november klokka 10.30 sesongopnar J10 med bortekamp mot Meldal, medan J12 spelar bortekamp mot Meldal klokka 12.00 same dag. J12 har spela ein kamp tidlegare i sesongen.
Laurdag skal Surnadal D4 også i aksjon i to kampar i Nidarøhallen. Først klokka 16.00 mot Ranheim, og klokka 18.40 mot serieleiar Strindheim, melder Surnadal IL på si heimeside.
