Kløvvegmarsjen

Kløvvægmarsjen blir arrangert kvart år i den tida folk og buskap skulle heim frå setrene i Vindøladalen i gamle dagar. Dette var som regel siste helga i august eller første helga i september, alt etter beiteforholda i dalen. I perioden frå 1927 til og med 1945 var kløvvegen også merka for turistforeninga som turistlinje til Røstasetra og vidare til Trollheimshytta i Folldalen.

I år går vi etter den gamle kløvvegen til Vindøldalen. Møt opp ved bommen på Holtamoan. Så kjører vi opp til Øykjedalen og går derifrå. Turen tek ca 4 timar og endar opp på Røsta. Der blir det musikk på vollen og høve til å kjøpe seg seterkost frå kl 12. Vi trur det blir med ein del hestar i år og. Nils Røv er med og fortel om plassar vi går forbi, og minne frå tida som gjetar. Dette melder Trollheimen Ride og Kjørelag