Kom – lytt og syng for Afrika!

Afrikanske rytmer, norske folketonar, spirituals, musikk av Edvard Grieg og Arild Sandvold, litt gitarblues, orgel og allsong står på programmet. All inntekt går til nødsarbeidet på Afrikas Horn – der millionar no opplever ein katastrofe utan sidestykke.

Arrangementet er ein kulturdugnad. Store delar av det lokale songmiljøet har sagt ja til å stille opp for den gode saka. I alt blir over 50 aktørar i sving!

Arrangør Åsskard Kyrkjekor håpar at også publikum viser sans for denne viktige saka og interesse for det lokale musikklivet som satsar på å skaffe midlar til nødsarbeidet. Både konsertnumra og allsongen vil fylle kyrkja med vakre tonar – som i denne samanheng gir meining også ut over det kunstnarlege.

Det nye inngangspartiet i Åsskard-kyrkja skulle takast i bruk denne kvelden, men uventa vanskar gjer at arbeidet med dette tek lenger tid. Likevel skal det bli ei fin samling rundt musikken og kveldens tema.

Du kjem vel, du og?

Sjå plakaten nedafor:

Klikk på bilda nedafor og sjå dei større og som bildeserie!