.png)
Låtskrivarkurs for elevar i 7a
Klasse 7a ved Øye skule deltok på "Låtskrivarverkstad på norsk" denne veka. Verkstaden var i regi Kulturskulen på Indre Nordmøre og gjekk over tre skuledagar; frå onsdag til fredag denne veka. I løpet av desse tre dagane fekk elevane tips, motivasjon, inspirasjon og tilrettelegging frå Ingebjørg Loe og Rune Dalager ved Kulturskulen til å skrive eigne låttekstar som dei etterpå sette melodi til.
Alle foto: Kjersti Mahle Brøske
Elevane gjekk til oppgåva med stor iver, det var utruleg mykje fin poesi og musikk som vart festa til papir, digitale opptak og film. Låtskrivarverkstaden vart avslutta med ein flott minikonsert fredag der det var verdspremiere på songane elevane hadde laga. Vi blir ikkje forbausa om det dukkar opp nokre hitar etter dette, signert elevar i 7a! Det seier musikklærar på Øye skule; Kjersti Mahle Brøske til Trollheimsporten.
Klikk bildene større
