Mammografi for kvinner busett i Surnadal kommune

Det inviteres i alt 675 kvinner. Bildetakinga vil skje i mammografibussen ved kulturhuset i Surnadal. Dersom det er behov for tilleggsundersøkingar vil kvinnene bli innkalt til Brystdiagnostisk senter ved Ålesund sykehus.

Mammografiprogrammet er det offentlege tilbodet til kvinner i alderen 50-69 år om mammografi annakvart år. Tilbodet er i tråd med internasjonale anbefalingar. Regelmessig mammografi er i dag den beste metoden for å oppdaga svulstar i eit tidleg stadium, og målsettinga er å redusera dødelegheita av brystkreft med 30 prosent i den inviterte gruppa.

Mammografiprogrammet oppdagar nær 1000 nye brystkrefttilfelle kvart år, dei fleste i eit tidleg stadium. Brystkreft er den mest hyppige kreftforma blant kvinner i Noreg, og utgjer i dag om lag 23 prosent av alle krefttilfella hos kvinner. I år 2008 fekk 2753 kvinner diagnosen. Oppmøte i Mammografiprogrammet er om lag 76 prosent.

I Mammografiprogrammet blir tilbodet kvalitetssikra ved at alle bilda blir tyda av to røntgenlegar. Som deltakar i programmet er ein sikra rutinemessig oppfølgjing ved sitt brystdiagnoiske senter dersom brystkreft blir oppdaga.

Programmet er eit samarbeid mellom Helse- og omsorgsdepartementet, Helsedirektoratet, Kreftregisteret, Statens strålevern, Nasjonalt folkehelseinstitutt og helseforetaka. For å nå målet om redusert dødelegheit av brystkreft, må flest mogleg nytte tilbodet som blir gjeve i det offentlege Mammografiprogrammet.

Programleiar: Dr. med Berit Damtjernhaug, Kreftregisteret, tlf: 22 45 13 00, mammografi@kreftregisteret.no

For meir informasjon sjå www.kreftregisteret.no