Markering av FN-dagen i Mosoknet

Torsdag 24. oktober er FN-dagen, og Mo Sokneråd inviterer til feiring i samarbeid med Surnadal Folkeakademi.

Under gudstenesta i Mo kyrkje kl. 18.00 blir det liturgi på fleire språk som norsk, engelsk, russisk, tysk, nepalesisk og filippinsk. Songkoret Tormod har fått ny dirigent i Sander Van Der Loo og skal opptre med songar på fleire språk.

På denne måten håpar ein å bidra til å integrere utlendingar i bygda.

Etter gudstenesta blir det kaffeservering på Mo oppvekstsenter. I tillegg vil Nils Røv halde foredrag over  temaet «Korleis går det med naturen og oss?» der han tek utgangspunkt i rapporten frå FNs klimapanel. Han har også med seg munnspelet.

Olav Bergheim vil orientere om Surnadal kommune sitt arbeid med å busetje og integrere flyktningar.