.png)
Ny konsulent på plass i IT Partner Møre
Heidi Gravvold Sæter (28) starta denne veka som konsulent i IT Partner Møre si avdeling i Surnadal, og blir kollega med senior salskonsulent Rolf Paulsen (t.v.) og avdelingsleiar/ sals- og marknadsansvarleg Roald Boge. 28-åringen er opprinneleg surnadaling, og har mellom anna jobba i to og eit halvt år på Svalbard før ho returnerte til heimbygda.
Heidi hadde sin første arbeidsdag hos IT Partner Møre 1. februar, og skal arbeide med implementering, drift og videreutvikling av kundane i bedriftsmarknaden.
Den nye IT-konsulenten var ferdig utdanna Bachelor i informatikk ved Høgskulen i Molde våren 2005. Etter endt utdanning har ho arbeidd i Svorka Aksess med konfigurasjon av breibandsutstyr til kundar. Etter dette har ho vore tilsett i ErgoGroup i Trondheim og hos Ingeniør G. Paulsen, før ho flytta til Svalbard og har arbeidd med driftssoppgåver hos kundar i Spitsbergen IT.
- Tanken om å returnere til Surnadal kom da eg fekk eit hint om at det var utlyst jobb hos IT Partner Møre. Da tenkte eg at eg måtte gripe sjansen no, seier Heidi, som trivst med å vere tilbake i heimkommunen.
- Det er bra her. For eksempel er drettstilboda gode, med god standard på anlegga, fortel Heidi som mellom anna skal delta i fitnesskonkurranse på nasjonalt plan til våren. Dermed blir det daglege treningsøkter samt fokus på rett kosthald i perioden fram til konkurransen.
- Ellers er eg glad i friluftsliv, og brukar mykje av fritida ute, fortel Heidi, som håpar at sambuaren - som er utdanna mekanikar - også finn seg jobb i Surnadal når han kjem flyttande etter.
Les meir om IT Partner Møre her.
IT Partner Møre er medlem av Trollheimsporten. Ønskjer du å delta i Trollheimsporten med di bedrift eller næringsverksemd? Eller er du medlem av ein organisasjon eller et lag eller liknande som held til i Rindal eller Surnadal? Benytt da sjansen til å marknadsføre verksemda gjennom Trollheimsporten, og på den måten nå ut til våre stadig fleire brukarar! Klikk her for å bli medlem.
