.png)
Oddbjørn til landsfinalen
Surnadalinngen Oddbjørn Sponås blir einaste deltakar frå Trollheimsporten-distriktet i landsfinalen i Ungdommens Kulturmønstring i juni i Trondheim. Og der skal han representere Sør-Trøndelag! I dag, onsdag, vart det klart kven som skal representere Møre og Romsdal i finalen, og trass i svært solid innsats i mønstringa i Elnesvågen sist helg, var det ingen frå Rindal eller Surnadal som vart plukka ut frå fylket. Oppdatert!
Oddbjørn Sponås, som mange kjenner som trommeslagar i Surnadal-bandet Batteri, er elev på musikklina ved Trondheim katedralskule.
Under fylkesfinalen i Meldal 18.mars deltok Oddbjørn (slagverk og søppelbøtte) og Erle Romundstad Mylius (vokal og synth) med innslaget "Villfuglen og Slaget", som består av ein versjon av "My Heart" av det svenske bandet Wildbirds and Peacedrums. Bidraget vart svært godt motteke, og nå skal altså duoen få vise seg fram under landsfinalen i juni.
Erle er barnebarn til Magne Romundstad frå Fjellheim, Grønlifeltet i Rindal. Far hennar er Erling Mylius i Travellin’ Strawberies Og The Julekalender. Det er Grete Romundstad som er mor hennar, opplyser ein lesar.
Sjå konsertopptak av "Villfuglen og Slaget" her.
Dei som skal representere Møre og Romsdal er
Jan Ivar Trio (Skodje), musikk
Rebel alliance (Molde), musikk
The Flow - Hip Hop Formation (Molde), dans
Kjendis Show v/Kristoffer (Gjemnes), teater
Jon Olav Sandal (Ørsta), musikk
Kari Olsson Orvik (Molde), utstilling
Martine Næss Sorthe (Gjemnes), utstilling
Marie Lovise Skansen Kleppe (Herøy), utstilling
Britt Berg Kolbjørnsen (Giske), utstilling
Tina Fløystad (Sunndal), konferansier
Bjørnar Torvholm Sævik (Herøy), konferansier.
Batteri - der Oddbjørn Sponås altså er trommeslagar - blir forøvrig "indirekte" Surnadal-representant i Trondheim, i og med at dei skal ha eige show under UKM-finalen.
