Opplev Rindal

Filmpremieren vart sett av 1288 personar, frå Trondheim og Oslo, Seattle, North Dakota og California, i tillegg til dei lokale sjåarane, kan Inga Dalsegg i Opplev Rindal fortelle.

Det var eigentleg fem filmar som viste oss Rindal med forskjellige utgangspunkt. Jo Sverre hadde bakgrunnsmusikken i godt utvalg som passa til bildescenene, både innhaldsmessig og med tilpassa lydvolum.

Vi var innom alle dei mest kjente, og litt mindre kjente attraksjonane Rindal har å by både innfødte og tilreisande. Alle årstidene var også representerte, og alt var berre positivt!

Vi fekk også møte høttrindalingar som var overlag godt fornøgde med at dei hadde havna akkurat her, ved Grønlivatnet eller Langvatnet.

- På bilturen hit frå Trondheim brukar eg omlag halv tank på elbilen, sa den eine høttrindalingen.

Så møtte vi representantar frå bygda som viste kva dei dreiv med.

Filmane viste flotte naturscener, mange flotte naturscener! Dronebilda gav oss luftige blikk som ikkje eingong innfødte opplever!

Inga Dalsegg var utøvande produsent og fotograf og regissør var Steven Turner.

Gjekk du glipp av premiereforestillinga, så kan du sjå filmane her!

Dette er Jim Porter i Seattle pynta til filmpremiere sendt frå Rindal. Han sendte bildet til Opplev Rindal

Her  er to av høttrindaling-barna som var med i hyttedelen av filmen klar til filmpremiere. Bildet er frå Opplev Rindal.

Skitur på Grønlivatnet

- og i puddersnø på Garbergsfjellet

Huldra i Rindalsbunad møter vi både på ski og til fots

Bonden hører med, og bakaren (nedafor) i lag med fleire andre arbeidsfolk dukka opp

Gapahuken ved Langvatnet var eitt av turmåla som vart vist

Oppe i Røsliene såg vi huldra høgt over nedre del av Bokta med Trollheimen i bakgrunnen