.png)
Offisiell opning av Øye stadion fredag
Ordføraren som 60-meterløpar
Har du lyst til å sjå korleis det står til med friidrettstalentet til Surnadal-ordførar Mons Otnes, har du sjansen fredag 24. september. Da skal nemleg Otnes konkurrere på 60-meteren mot Sp-politikar Jenny Klinge og banksjef Allan Troelsen under den offisielle opninga av Øye stadion.
Øye stadion er renovert og ombygd frå grusbane til kunststoffdekke på friidrettsanlegget og kunstgras på fotballbanen.
Dette blir markert som seg hør og bør fredag klokka 12.00, og det er den som passerer mållinja først av Mons Otnes, Jenny Klinge og Allan Troelsen, som dermed har opna anlegget!
På programmet under den offisielle baneopninga, står i tillegg innmarsj, velkomsttale og korps med drill.
Det blir regional skulestafett på 4 gonger 100 meter med lag frå Surnadal, Rindal og Halsa, i tillegg til oppvisningskamp i fotball, melder Surnadal kommune på si heimeside.
