.png)
Otnes tek attval
Ordførar Mons Otnes ga torsdag kveld beskjed til valkomiteen i Surnadal Arbeiderparti om at han stiller til gjenval til kommunevalet neste år. - Vi står framfor mange spanande og lærerike oppgåver i Surnadal, seier Otnes til Trollheimsporten.
Mons Otnes (42), som tok over som ordførar i Surnadal i 2007 etter Senterparti-politikar Bergsvein Brøske, seier han sa ja til gjenval etter drøftingar i familien. - Eg har mange gode samarbeidspartnarar rundt meg. Mykje viktig og interessant skjer i kommunen og regionen framover, slik som Trollheimstunnelen og vilkårsrevisjon. Bygda må ha arbeidsplassar, bustader og ikkje minst bulyst.
