.png)
Påskesongmesse i Åsskard
Langfredag kveld byr Åsskard kyrkje på felles påskesongmesse for Surnadal. Tekster og tonar frå heile høgtida pregar programmet.
Åsskard Kyrkjekor, fiolinist Synnøve Hammervold og prest Erik Blomstrøm legg til rette for møte med heile påskebodskapen - palmesøndagens inntog, pasjonstonar for skjærtorsdag, lidingssoga på langfredag og påskedagens jubel.
Musikk av Mozart, Handel, Bach og Elgar utfyller dramatiserte tekstlesingar og preike. Mellom anna syng kor og solist satsar frå Handels "Messias" og hans originalversjon av "Deg være ære".
Åsskard sokneråd serverer kveldsmat etter messa og håpar mange vil få ei påskeoppleving i full breidde denne kvelden - gjerne etter dagens tur på fjell eller fjord.
Getsemane-motivet på altertavla inspirerer Åsskard Kyrkjekor til påskemusikk langfredag. På bildet er koret representert med (frå venstre) Randi Børe, Kirsten Baadnæs Bøe, Nora Bøe og Inger Garthe.
