Powder Tec Produksjon AS fekk støtte

Harald Bredesen orienterte formannskapet om saka i dag:
- Det er dei same personane som vil prøve å satse igjen her. Dei har fått med seg nye investorar og samarbeidspartnere. Samtidig har dei fått tilslag på konkursbuet, sa han.

- Vi var inne og støtta i oppstarten, men tidsmessig klaffa det dårleg med både finanskrise og problem i Hydro, sa ordførar Mons Otnes (Ap) (til høgre saman med rådmann Geir Vikan og settevaraordførar Ingebrigt Moen Sp)) og understreka at det ikkje no er aktuelt å gå inn på eigarsida.

- Egenkapitaldelen blir løfta med dette. Er vi ikkje med, er pengane tapt, men vi mister kompetansen om vi ikkje er med på dette. Det vil bli eit pre for oss og det går sakte med sikkert framover for industriinkubatoren på Røtet, sa han.

Stig Sæther (H) var forundra over at saka i det heile kom opp,da det har vore sagt at vi ikkje skal gå inn i meir innafor dette selskapet. - Men det er små beløp det er snakk om, så eg skal ikkje gå i mot det.

Palmer Vikan (KrF) spurte om kor mykje kommunen gjekk inn med sist og Harald Bredesen svarte at det både var aksjekapital, tilskott og lån på vel 1,1 millioner kroner. - Eg tykkjer denne saka er svært vanskeleg, mykje på grunn av at fonder vårt er tomt. Men vi må ha trua på dette - vi kan ikkje ha anna enn god tru. Lykkast vi er dte et lite beløp med 300 000, sa han, men hadde ein liten bismak oppi det heile.

Lilly Gunn Nyheim (Ap) syntes det vart litt annleis med dette som støtte til ei ny etablering.

Ordfører Mons Otnes (Ap) viste igjen til problema ved Hydro på sunndal, som vil påverke Surnadal ein god del. - Allerede har folk starta og søke seg attende til surnadal, vart det sagt i formannskapet.

Formannskapet vedtok einstemmig dette:
1. Surnadal kommune løyver Powder Tec Produksjon AS eit pantelån på kr.300.000,- til kjøp av aksjar i selskapet Powder Tec AS. Lånet tek pant i aksjane.
2. Lånet, kr.300.000,- er rente og avdragsfritt i 3 år, for deretter å betalast tilbaker over de neste 5 år med rente i tråd med den lokale marknadsrenta på næringslån.
3. Beløpet, kr.300.000,- blir belasta næringsfondet, og utbetalt mot aksjekjøpsdokumentasjon
4. Ein føresetnad for utbetaling av lånet er at dei andre aksjonærane bidreg i tråd med finansieringsplana i forretningsplana.
5. Ein legg til grunn at det blir jobba vidare med å få på plass fleire eigarar i Powder Tec AS, og at Powder Tec Produksjon AS i ein slik situasjon sel seg ned med kr. 300.000,- og slik vil tilbakebetale eigenkapitallånet frå Surnadal kommune før den rente- og avdragsfrie perioden er over.
6. Det blir forskottert med kommunale midlar fram til neste utbetaling av næringsfondet.

Bakgrunn for saka
Powder Tec Produksjon søkjer Surnadal kommune om eit lån på kr. 300.000,- for å fullfinansiere planlagt eigenkapital/aksjekapital i eit nytt selskap med namnet Powder Tec AS. Bak selskapet
Powder Tec Produksjon AS står Jan Tore Andersen og Asbjørn Saltrø, med 50 prosent eigarandel kvar.

Powder Tec AS blir ei vidareføring av verksemda til SIV Teknikk AS som gikk konkurs i sommar. Powder Tec AS sitt kjerneområde skal vere termisk sprøyting. Selskapet har ambisjonar om å bli leiande innafor Xylan® overflatebehandling i Midt-Noreg og offshore på norsk sokkel. Selskapet skal spesialisere seg mot offshore, olje og gass, og tilby Xylan® typar som denne marknaden etterspør. Xylan overflatebehandling har vore eit førsteval innan offshore og landbaserte prosessanlegg i ei årrekkje. Xylan overflatebehandling kan ei bruke på ei lang rekkje områder, mellom anna der kor ein ønskjer låg friksjonskoeffisient, ønskjer å beskytte to glidande flater mot kvarandre, ønskjer å beskytte materiell mot korrosjon, ønskjer ei overflate som tåler høge eller låge temperaturar, ønskjer ei spesiell fargekode, og enda er det fleire områder som Xylan-behandling blir nytta til.

Etter at SIV Teknikk AS gikk konkurs har grundarane bak selskapet jobba iherdig vidare for å vidareføre erfaringar, kunnskap, sertifiseringar og eit omfattande kvalitetssystem. Da eigarane av SIV Teknikk AS av likviditetsomsyn måtte sende selskapet til skifteretten i sommar, var omsetninga og etterspurnaden stigane og høgare enn nokon gong, men oppgangen kom altså for
seint. Grundarane har framleis klokketru på konseptet, og jobbar derfor iherdig for å kome i gang med videreføringa av verksemda, som altså skal få namnet Powder Tec AS og vil ved
oppsart sysselsette 5 personar.

Grunnlaget for finansieringa av Powder Tec AS er ein eigenkapital/aksjekapital som ut frå kostnadsbilde og lånebehov er sett til kr. 2.000.000,-. Denne er planlagt fordelt slik:
Powder Tec Produksjon AS kr.800.000,- 40% (kr.500.000,- + lånet på kr.300.000,-)
Indre Nordmøre Invest AS kr.800.000,- 40%
Stavnes Holding AS kr.400.000,- 20%

Både Indre Nordmøre Invest AS og Stavnes Holding AS har gjeve positive tilsegn på at dei blir med slik som skissert. Powder Tec produksjon AS med Andersen og Saltrø går i utgangspunktet
inn med kr.500.000,- og mangler slik sett kr.300.000,- for å fullfinansiere aksjeposten. Det er disse midlane selskapet no søkjer Surnadal kommune om lån på. Det er og har vore jobba intenst med å finne fleire eigarar slik at eigenkapitalkravet blir fullteikna. Fleire har eit mogleg eigarskap under vurdering, men dei signaliserer at ei avgjerd vil ta tid. Denne tida har ikkje det nye selskapet. Skal Powder Tec AS behalde kvalifisert og sertifisert arbeidskraft samt opparbeida kunderelasjonar og marknadsandel må selskapet i drift straks. Tida er ein veldig viktig suksessfaktor. Derfor rettar Powder Tec Produksjon AS seg no til Surnadal kommune for om mogleg kunne komme fram til ei rask avgjerd gjennom eit lån, for slik kunne oppfylle kapitalkravet for å sette i gang verksemda.
Om ytterlegare informasjon omkring kompetanse, marknad, budsjett, investeringar og finansiering, refererast til vedlagt forretningsplan.

Rådmannen vurderte saka slik:
Det vil vere naturleg å ta utgangspunkt i tidlegare SIV Teknikk AS i denne saka er. Da selskapet gikk konkurs, var konjunkturane i realiteten snudd. Ordreboka var på veg til å fyllast, og ein sto
klar til å hauste av den innsatsen ein hadde gjort for å kome inn i marknaden. Ein hadde også gjort nokre feilgrep som det var tatt lærdom av. Eit nytt selskap med det same utstyret, den same
kompetansen, dei same sertifiseringar samt opparbeid kjennskap til marknaden vil i realiteten tre inn i den same marknadsposisjonen som den SIV Teknikk AS forlot. Men det er enkelt å forstå
at viss det går for lang tid, vil både tidlegare tilsette (kompetanse/sertifiseringar) og marknaden finne seg andre arenaer.

For Surnadal kommune kan det vere lett å gå i den fella at ein fokuserer på kva som er gått tapt gjennom konkursen til SIV Teknikk AS. Men viss ein angriper dette offensivt og bidreg til at ei
reetablering lukkast, vil i realiteten også dei verdiane Surnadal kommune gikk inn i SIV Teknikk AS med bli vidareført gjennom det nye selskapet. Derfor er rådmannen positiv til å
imøtekome søknaden frå Powder Tec Produksjon AS.

Derimot kan ein jo stille ulike krav knytt til eit lån. For Surnadal kommune er det ønskeleg å få igjen pengane så snart som råd slik at ein kan nytte dei i nye og andre prosjekt. Derfor ønskjer
rådmannen at det blir stilt et krav om at arbeidet med å få på plass fleire eigarar i Powder Tec AS blir opprettheldt og at Powder Tec Produksjon AS i ein slik situasjon sel seg ned med
kr. 300.000,- og slik vil tilbakebetale eigenkapitallånet frå Surnadal kommune.

Under: Surnadal formannskap i dagens møte.