Profilar på museet

Med foto og verbalt kåseri vil programmet på sjøbruksmuseet presentere kyrkjebyggjaren Ola Scheistrøen, den livlege forteljaren Ingeborg Sættem (Arnøra) og Johanna Staknes, som dreiv butikk i ingenmannsland og var omvandrande bokhandlar med koffert på ryggen!

Du møter forkynnaren og salmisten Jo Sengen frå Rindalen. Han kunne ikkje gå, men reiste vidt omkring – sittande i ei seng! Kanskje blir det litt om Edvind Strand – meister for både hotellbygg, kommunehus og husmorskule. Og kven var vår lokale Stradivarius?

Du visste nok at James Chaworth-Musters hadde Vaulen på Nordmarka. Men kva med krigsinnsatsen hans?

Kanskje får du med eit par prestehistorier av ymse slag – og småstubbar frå Halvdan Koht sitt Surnadals-besøk i 1905. For å nemne noko.

Det blir altså ymse attåt kaffen denne søndagen. Og den sørgjer Kirsten og Gunnhild for.

John J. Tørset (1810-1885) var bunden til senga, men reiste som forkynnar, dikta og gav ut salmebok!

Edvind Strand var byggmeister for blant anna hotell og kommunehus på Skei og husmorskule på Halsa.

Ole O. Scheistrøen bygde fleire titals kyrkjer – på Nordmøre, i Trøndelag og i Nord-Norge.

Johanna Staknes var ei driftig kvinne – endatil som omvandrande bokhandlar!

Ingeborg Sættem på Arnøra i Bøfjorden var både ypperleg forteljar og ein varm omsorgsperson.

Visste du at James Musters var motstandsleiar under krigen?

Dette instrumentet er bygd av ein fantastisk felemakar. Men kven var han?

Bøfjorden historielag er medlem av Trollheimsporten