SACC Cars & Coffee

Frå venstre: Bjørn Helge Sætereng, Jon Olav Holten, klubbledar Geir Børstad og Olav Helgetun.

Denne søndagen var det Cars & Coffee ved klubbhuset i Røtet som oppfølging av Motorfestivalen som Nordmøre Gatebilklubb hadde lørdag. Dette er ei møteform som er importert frå Amerika, og den er berre 3-4 år i Norge, fortel ledar i AmCar-klubben, Geir Børstad.

Motorinteressa er stor i dalføret - gatebiltreff, kaffetreff og BMW-treff same helg og fleire motorklubbar. Folk var det alle stadene både for å delta, sjå og vise seg fram.

Børstad understreker det gode samarbeidet det er mellom dei ulike motorklubbane i dalføret.
- Vi vil ikkje sitte på kvar vår tue og vere sære! sa han.

AmCar-klubben har hatt fleire slike uformelle treff, siste gong møtte 120 kjøtrety!
- Det blir fleire treff, så følg med – nytt treff kan bli annonsert når som helst, spontant og enkelt! seier Børstad.

Følg med på AmCar-klubben si Facebookside!

Vi tok ein runde og såg på dei frammøtte doningane.

Denne Folkevogna frå 1964 er den mest originale, det vil seie – i mest original stand. Den er i topp stand, har gått 61 000 km og har hatt tre eigarar. Eigar no er Bjørn Helge Sætereng.

Original er også denne store, gule bobilen!
- Den er heimbygd, fortel, Tore Sether frå Molde.

Det starta med ein Iveco Dayly 4010 4x4. Den er forlenga 60 cm og påbygd ein lastebilskåp som er snudd att-fram. Så har han klinka og sveisa saman dette i god dialog med Biltilsynet. Han trur nok at har har bruka 2000 timar på dette.

Bilen er registrert som 4-seters personbil på rundt 4 tonn. I fjor kjørte dei 15 000 km med den, Molde - Haugesund - Sverige - Røros - Molde.

Sether skar sjølv ut dei opningane han trong i lastebilskåpet.

Denne BMWen har starta på vegen i California og er ein BMW 750iL med 12-sylindra motor (V12) på 5,4 liter volum. Du kjem nok ikkje under literen på mila med denne, men du- kor stilt han gjekk!

Inne i bilen finn du skinn, rimeleg nok handsydd. Også baksetene har elektrisk justering på rygg og korsrygg. Beinplass og bagasjeplass er tilstrekkeleg.

Dette er nesten same bilen som James Bond brukte i filmen "Tomorrow Never Dies", berre utan noko av ekstrautstyret.

Fleire bilde frå plassen ved klubbhuset til Surnadal AmCar Club.