FOTO Todalskoret og %C5sskard Kyrkjekor

“Salmeskatt i jeans og bunad”

Opprettet: 6. mars 2012
Opprettet av: Anne Skjølsvold
Songkvelden i Todalen kyrkje onsdag 7. mars kl. 19.30 lovar salmekultur av stor breidde. Todalskoret, Åsskard Kyrkjekor, solistar og musikarar byr på både tangorytmer og høgtidstonar. Salmebøkene er spekka med “levd liv”. Her møter vi sterkt utrykk for kamp og seier, tvil og tru, sorg og glede gjennom mange hundreår og i ulike tradisjonar.


Organist Bernt Bøe kåserer om tekstar og melodiar, med både fagstoff og anekdoter du kanskje ikkje har høyrt. Torgrim Tunes deklamerer poetiske vers. Kora og solisten Sigrid Bøe syng både klassiske perler, koralar, folketonar og spenstige nyoppdagingar.

Ulike stilartar og arrangement kler songane i både “jeans og bunad” denne kvelden. Asfalt-tango frå Argentina går hand i hand med bibelske salmar.

Rindals-organist Daniel Bjørlo(bilde til høgre) viser salmevariantar frå kunstmusikken – i verk av Bach, Mendelssohn og Brahms.

Åsskard Kyrkjekor røpar også litt av sitt nye prosjekt og syng smaksprøver frå Messe i F-dur av den unge Joseph Haydn (17 år).

Sentralt står allsongen - og i allsongbygda Todalen blir det fulltonande når alle syng med!
 

Etter songkvelden spanderer soknerådet kaffe.
 

Last ned plakat her

Bilde under: Todalskoret og Åssgård kyrkjekor