.png)
Sesongavslutning med gode plasseringar
I helga var løparar frå Surnadal IL på skirenn i Bruksvallarna, eit løp som markerte avslutninga på årets sesong. Ragnhild Mogstad fekk ein kjempebra 2.plass i klasse J12, og Kristoffer Berset gikk inn til 3.plass i G12. Knallgode løp av begge to, som får velfortent ros frå trenar Arne Berset.
Snorre Larsen kom i mål på 21.plass, cirka 1.30 bak vinnaren i G16. Vegar Brøske mista skiene i starten og kom ut eitt minutt etter dei andre.
Ida Mogstad vart nummer 15 ettter eit bra løp, men ho mista nok sjansen til eit betre plassering etter eit fall.
Det var cirka 1000 startande totalt, på ein konkurransedag som også var svensk meisterskap på 3 og 5 mil for eliten.
Foto: Torbjørn Larsen
