.png)
SILregn-cup og knøtteinvasjon
Søndag kjem det til å yre av unge fotballspelarar på Syltøran. Da er det nemleg klart for årets SILregn-cup, og rundt 400 spelarar fordelt på over 40 lag frå 8 klubbar skal i aksjon i løpet av dagen.
SILregncupen er frå knøttespelarar og oppover, og i tillegg til fotball på høgt nivå blir det kiosksal, grilling med Ola Sylte, flotte premiar og topp stemning på Syltøran frå klokka 10.00 søndag føremiddag.
Det kjem lag frå Surnadal IL, Søya/Todalen, Rindal, Bøfjord/Bæverfjord, Rindals-Troll, Valsøyfjord, Rindøl og Øvre Surnadal. Alle kampane varer i 2x15 minutt, og det blir premie til alle spillarar etter sitt lag sin siste kamp.
For kampoppsett, tidspunkt o.l., sjå her.
