.png)
Til Oslo med spesiallaga t-skjorter for å heie på Torstein
Skal setje farge på Melodi Grand Prix jr
Når Torstein Snekvik står på scena under finalen i MGP jr neste helg, kjem ein stor delegasjon skulekameratar frå Stangvik oppvekstsenter til å setje sitt preg på Oslo Spektrum. 5., 6. og 7. trinn fekk i dag utdelt spesiallaga t-skjorter som gjer at heiagjengen blir svært så synlege under den TV-overførte finalen laurdag 4. september.
Da Batteri tok 2. plassen i Melodi Grand Prix jr i 2008, dominerte ein stor fanskare frå Surnadal Oslo Spektrum med sine knalloransje t-skjorter. Når Surnadal no igjen er representert i finalen, blir skjortesuksessen gjenteken.
Liv Dalsegg og Roald Boge frå hovudsponsorane for turen, Surnadal Sparebank og Amfi Kreativ, dukka i dag opp på Stangvik oppvekstsenter med rosa skjorter med "Torstein" i fargesprakande bokstavar til gjengen som neste fredag reiser med buss til Oslo for å heie på Torstein og skape storstemning i Spektrum.
Klikk på bildet for større versjon.
