Skøyteliv på Liavatnet

Både små og store gjekk mann av huse for å gå på skøyter på Liavatnet søndag. Nokre spela hockey og nokre sjekka formen, medan andre berre rett og slett leika og koste seg. Enkelte tok også sine første steg på skøyter og hadde dermed nok med å konsentrere seg om teknikken.

Det var heller ikkje alle som hadde skøyter på føtene. Nokre koste seg rundt bål eller bålpanne og var støttekorps på land. Arrangørane stilte nemleg med bålpanne, og denne vart flittig bruka til alt frå pølser til sveler og brød. Folk hadde det ikkje travelt med å avslutte og dra- noko som tyda på at dei trivdes både ute på isen og på land. Vi får berre håpe at isen held seg slik at det kan bli fleire slike arrangement.

KIikk på bilda for å sjå dei større eller i serie! Alle foto: Norunn Holten