fotoapparat

Sparebankveke med fotokonkurranse og foredrag

Opprettet: 22. okt. 2010
Opprettet av: Bjørn Tore Brøske
Årets Sparebankveke går av stabelen 25.-29.oktober. Det blir ei tradisjonell veke med bøssetømming og stor stemning, og årets tema er ”Aktive Barn”. Surnadal Sparebank inviterer til fotokonkurranse og foredrag ved førsteamanuensis Per Egil Mjaavatn under sparebankveka, og har også fleire andre spennande aktivitetsveker utover hausten.

I samband med Sparebankveka arrangerer Surnadal Sparebank og banksjef Allan Troelsen (bildet)  fotokonkurranse med "Aktive barn" som tema, der det blir trekt ut tre vinnarar som får ei lita overrasking. I tillegg vil bilda bli vist på skjerm i banklokalet og nokre av dei blir også plukka ut til å bli trykt i banken sitt kundeblad/årsmelding.

Onsdag 27. oktober inviterer banken alle til eit interessant foredrag ved Per Egil Mjaavatn. Han er førsteamanuensis ved Pedagogisk Institutt NTNU med born og unge sin oppvekst og utvikling som hovudområde, og er spesielt oppteken av samanhengen mellom livsstil og helse.

Torsdag 28.10 blir det pølsefest med avduking av statue, og skulekorpset spelar.

I november blir det fleire aktivitetsveker i regi av Surnadal Sparebank: 4. november inviterer dei til foredrag ved Eldar Rønning og mannekengoppvisning, 10. november har Riibe Mynthandel foredrag og verdifastsetting av gamle myntar, medan det 17. november blir foredrag ved Advokatfirmaet Lundemo og banken snakkar om pensjonssparing. For fleire opplysningar, påmelding, osv., går inn på bank.no.