.png)
"Kick off" med underhaldning, basar og Torstein Snekvik som programleiar
Åsskardkoret satsar vidare
I fjor haust vann Åsskardkoret publikumsprisen under Det store korslaget i Surnadal Idrettshall. No satsar koret vidare, og markerer sin nye start med ein dag med korunderhaldning, filmframvising, basar, open kiosk og besøk av MGP jr-vinnar Torstein Snekvik i Bøfjorden Grendahus laurdag.
- Vi har valt "Åsskardkoret Vol 1" som navn på arrangementet. Koret har øvd inn nye songer for anledninga, med Disney som tema, fortel Mona Rønning om arrangementet i Bøfjorden Grendahus laurdag 12. mars klokka 1600.
Torstein Snekvik skal fortelje litt om det han har opplevd etter Melodi Grand Prix junior-seieren i fjor. Eistein Bæverfjord skal vise filmar, mellom anna "You raise me up" med Åsskardkoret, på lerret.
