Stangvikgarding får statue i Canada

Bilde frå  nettsida til Rossland Winter Festival.

Denne Stangvikgardingen er Olaus Jeldness, eller Olaus Gjeldnes som han heitte før han drog vestover. Han vart født 1. oktober i 1856 som son av Nils Anderson Gjeldnes (Oppistua på Gjeldnes) og kona Asbjørg Olsdotter Stangvik. Faren Nils var underlensmann i Stangvik og Olaus voks opp på plassen Trøan saman med brørne Ola, Anders og Halvor og søstrene Maria Guro og Randi. Olaus reiste til Amerika i 1873 og busette seg i Rossland, British Colombia i 1896.

Jeldnes jobba innan gruvedrift i Michigan, Missouri, Colorado, Dakota, Montana og Washington før han kom til Rossland i 1894.

Her har vi eit gammalt bilde av Olaus Jeldness (Foto: Canada Ski Hall of Fame and Museum) og eit bilde av statua.

Der det var vakre fjellsider som han kunne stige opp på med ski og kjøre ned! Han var initiativtakar til skirenn i fjellsidene ved Rossland og han var også med på å starte opp ein festival i Skisportens tegn. I 2013 er det den 116. vinterfestivalen i Rossland. Dette er den eldste vinterfestivalen i Canada og den har vore arrangert kontinuerlig i alle år! 

For å ære denne Stangvikgardingen har Historielaget ”The spirit of Red” og kommunen Rossland sett opp ei statue av Olaus i hovedgate i byen. Denne skal altså ”avdukast” under den 116. vinterfestivalen.

 

Klikk her og hør om The Jeldness Tea Pary! 

I Rossland er Olaus Jeldness sett på som konkurranseskisportens far, og han blir også rekna som symbol for ildsjela som er høgst nødvendig i små samfunn. Dette er noko Surnadalingane kan vere stolte av!
 

Jeldness var Canadisk mester både i utfor og hopp i 1898, 1899 og 1900. 

Keiron Grey frå Rossland, Canada har vore på besøk i Surnadal fleire gonger. Han meiner at Surnadal liknar på Rossland. Ein kan sjå skibakken frå byen, og det er ei jordbrukskommune. Han seier at den største skilnaden på dei to kommunane er at Rossland ligg i innlandet.

Det er komme ønske om eit vidare samarbeid mellom Rossland og Surnadal. Dette samarbeidet kan dreie seg om kultur, sport, ungdom t.d. Dette skal diskuterast på møte under besøket no i januar og vidare når ein delegasjon frå Rossland kjem på besøk hit til Surnadal under Vårsøghelga i år.

Det er einingsleiar på kultur, Lilli Husby som representerer kommunen på dette oppdraget og Svein Sæter skal vere med for m.a. å halde eit foredrag om Olaus Jeldness.

I festivalprogrammet står det for søndag:

3pm- 6pm
"Who was Olaus Jeldness"at the Prestige. Mr. Svein Saeter, a journalist from Norway will talk from a Norwegian perspective and Ron Shearer from a North American, as Olaus the skier, Olaus the miner and also Olaus the family man, and philosopher - a side that most Rosslanders are unaware of.

Les mer om Olaus Jeldness her:

http://no.wikipedia.org/wiki/Olaus_Jeldness

Todalen.no hadde dette om Olaus Jeldness i 2010.

Canadian Ski Hall of Fame

Rossland Winter Festival

Trollheimsporten håper å komme tilbake til dette besøket seinare!