nibberittet_250x188

Sterk sykkelprestasjon

Opprettet: 16. juni 2010
Opprettet av: Bjørn Tore Brøske
Rune Kvande vart beste Trollheimen Sykkelklubb-representant i Nibberittet 2010 i helga. Surnadalingen vart nummer 3 av 140 deltakarar i klassen M40-49 år.

Nibberittet går frå Geiranger sentrum og opp til Dalsnibba, 1500 meter over havet. Rune Kvande gjorde unna det tøffe rittet på tida 1 time 19 minutt og 14,5 sekund, noko som altså heldt til ein sterk tredjeplass.

Lasse Skjølsvold vart nummer åtte i klasse 40-49 år, medan Lars Peder Solli, også han frå Trollheimen Sykkelklubb, kom på 14.plass i den same klassen,

I klasse 30-39 år vart Halvor Drøpping nummer ti, Ronny Aasen kom på 23.plass og Ola Vasseng på 28.plass.

Linda Aasbø Kvande deltok i halvmaraton og kom på 4. plass i klasse K23-39 år. Örjan Ericson frå Rindals-Troll sprang halvmaraton og kom på tredjeplass i klasse M40-44.
 

Kristine Einum sikra seg tredjeplassen i Dalsnebba miniton kvinner, der løpet startar 1038 meter over havet og målpassering etter fem kilometer er på 1500 m.o.h.

For komplett resultatliste, med alle deltakarane frå Trollheimsporten-medlem Trollheimen Sykkelklubb, sjå her.