toril_250x250

Storband, sunnmørscountry og spreke damer

Opprettet: 23. april 2010
Opprettet av: Bjørn Tore Brøske
Det blir hektiske helger med både storbandswing, festcountry og svensktopp-rock'n'roll på Vårsøg Hotell framover. Først ut er Sunndal Storband med Toril Moe og ti andre lokale vokalistar i morgon, laurdag.

Sunndal Storband lovar eit klassisk swingrepertoar når dei gjestar Surnadal. Med seg på konserten laurdag klokka 19.00 i Den glade laks på Vårsøg Hotell har dei heile elleve gjestevokalistar: Toril Moe, Kikki Moe, Marianne Bolme, Ellinor Husby, Sina Moe, Siv Kalvik, Kristin Betten, Gerd Ingrid Kvendset, Trond Skogseth, Terje Aune og Carina Dønheim.

Seinare på kvelden, cirka klokka 23.00, spelar så storbandet til fest og dans. Da er det Åge Fossum som står for vokaljobben.

Allereie neste helg er det klart for Vårfest i teltet ved hotellet. Fredag 30. april står Vassendgutane (bildet t.h.) for musikken.

Sunnmørsbandet har gjort enorm suksess med festcountryen sin og songar som "Ungkar med dobbelseng", "Granada" og "Silikon i tatti". Bandet sin nyaste CD, "XO", gikk til topps på VG-lista og har selt over 80.000 eksemplar. 

Sjå konsertopptak med Vassendgutane på YouTube her.

Laurdag 1. mai blir det så svensk besøk i Surnadal. Da kjem suksessbandet Face 84, fire damer som har delteke både i svensk Melodi Grand Prix og Dansbandskampen.

Kvartetten har over 100 spelingar årleg, og presenterer alt frå pop og rock til svensktopp og show. Hør Face 84 her.