.png)
Surnadal skiftar avfallsselskap
Orkdalsfirmaet Hamos overtek frå i dag, 1. juli 2010, all henting av avfall og også all administrasjon av renovasjonsordninga i Surnadal. Surnadal er eigarkommune nummer elleve, og Hamos tek over kontraktene som kommunen har med sine underleverandørar - og overtek dermed driftsansvaret.
Surnadal kommunestyre vedtok i mars i år at det interkommunale avfallsselskapet Hamos skulle overta organiseringa av alle renovasjonstenestene i Surnadal kommune. Dette inkluderer innsamling og behandling av septikslam, og Hamos skal også stå for innføring av tvungen hytterenovasjon for alle hytteeigarane i kommunen og saksbehandling i samband med klagesaker.
Surnadal kommune skiftar med dette renovasjonsleverandør frå NIR (Nordmøre Interkommunal Renovasjonsselskap) til Hamos, som i tillegg til Surnadal betener innbyggjarar og næringsliv i Hemne, Agdenes, Meldal, Orkdal, Snillfjord, Skaun, Rindal, Hitra, Frøya og Rennebu.
Meir informasjon finn du på Surnadal kommune si heimeside.
