.png)
Susar av garde mot SUSrock
Surnadal ungdomsskole gjer det igjen! For åttande året på rad viser 10. trinnet ei sjøllaga forestilling, der den raude tråden i år er norsk rock. Premiere på forestillinga er i Storstuå i kulturhuset 28.september, og elevane har også oppretta eiga nettside der du kan følgje arbeidet fram mot premieren.
Elevane starta etter jul med å skrive manus, lage dansar, øve inn songar, snekre kulisser, leite fram kostymer, lage eiga heimeside, lage program, plakat og designe t-skjorter.
Mykje arbeid blir lagt ned, så kom og opplev dei flotte ungdommane vi har i Surnadal, oppfordrar Surnadal Kulturhus.
Heimesida for SUSrock 2010 finn du her.
Billettar til forestillingane kan kjøpast på billettluka.no.
