.png)
Synfaring på snøanlegg
Måndag drog ein delegasjon opp til Sjøasetervatnet på synfaring for å planlegge plasseringar av ulik infrastruktur i samband med det planlagde snøanlegget i Sæterlia. Med var representantar frå Surnadal kommune, Surnadal Alpineiendom AS, grunneigarar og representant frå konsulentselskapet Småkraftkonsult AS. Plassering av pumpehus, trafostasjon, kabel og rørtrasé vart gått opp og elektronisk plotta inn på kart med GPS, melder Surnadal kommune på si heimeside.
På biletet er delegasjonen kome opp på høgste punktet av rørtraseen mellom vasskjelda Sjøasetervatnet og alpinbakken. Vi ser frå venstre Henning Tjørhom frå Småkraftkonsult AS, vidare kjentmenn og grunneigarar Knut Ingebrigt Stavik og Tor Magne Halset og til høgre oppmålar Tore Gjul, Surnadal kommune.
Foto: Harald Bredesen, Surnadal Alpineiendom AS/Surnadal kommune.
