Tårnagentar i Åsskardkyrkja

TÅRN-AGENT-HELG i kyrkja!

Men kva er det for noko?

- Laurdag og søndag skjer det ting i Åsskard-kyrkja! seier Turid Sættem Eggen, leiar i soknerådet. - Nokre barn i 8-9-årsalderen skal vera “Tårn-agentar”. Laurdag utforskar dei kyrkjehuset på kryss og tvers, har mat-kos, får lyd i orgel og kyrkjeklokker, leikar, syng og øver på ymse ting. Ein del vaksne er også med og hjelper til. Søndag er det familiegudsteneste.

- Innbyding til Tårnagent-helga har gått til barn som er fødde i 2001, 2002 og 2003, seier Turid. - Samlinga laurdag varer frå kl. 15 til 18.

Søndag kan Tårnagentane få delta i gudstenesta – på mange måtar. Litt ekstra musikk blir det. Og der får får alle oppleve dåp – når lille Harald skal døpast.

Det er Søndagsskulen og Kyrkja som sarmarbeider om dette trusopplæringstiltaket.

- Kanskje såg du Tårnagent-programma på TV i jula? No skjer det altså i Åsskard – på vår måte, seier Turid.

                Tekst/foto: Bernt Bøe