Todalen kyrkje B

Todalen kyrkje 150 år

Opprettet: 28. jan. 2011
Opprettet av: Anne Skjølsvold
Todalen kyrkje er 150 år, og jubileet blir markert kvar månad i 2011. Søndag kveld går startskotet – når todalingane samlast til misjonsfest og historisk kveld med song og musikk.

 

Todalskyrkja jubilerer


 
Etter å ha sokna til Stangvik og rodd fjordane i mange hundre år, fekk Todalen vigsla sitt eige kapell 11. september 1861. Hovudarrangementet i jubileumsåret blir same dato – nøyaktig 150 år etter.
 
Inntil da vil soknerådet sørge for å gjera kyrkja og jubileet synleg ved månadlege kulturartiltak – konsertar, spesielle gudstenester, barneopptrinn, temaopplegg, bokutgjeving og framheving av kristeleg arbeid som har vore og blir gjort i bygda.
 
Misjon er sentralt tema denne første kvelden. Todalen har ei av landets første misjonsforeiningar – stifta i 1845 og altså eldre enn kyrkja. Ein vil fokusere på verksemda mellom anna ved at mangeårig leiar Margrete Hals blir intervjua om “gammelforeninga”.
 
Misjonskvinnene syter også for servering på årets første jubileumskveld for Todalen kyrkje.
 
Misjonskvinner i Todalen samarbeider med soknerådet om festkvelden søndag (bilde til venstre). 
Frå venstre Lovise Jørgensen, Ester Larsen, Jenny Kvendset, Marit Kalseth, Ildri Sjøland Øyen (soknerådsleiar) og Einy Rendal Elgsæther. Gullkorset i bakgrunnen var første “altartavla” i Todalens Kapel frå 1861.
 

 
 

Nesset-presten Bjørn Hovde deltek med tale og tonar. Karen Oddny og Sigfred Gravvold, Oddmund Solem (bilde til høgre) og fleire sørger for musikk på festen.

Organist Bernt Bøe leier allsongen og gir elles glimt frå lokal historikk.