Tradisjonell 17. mai i Bæverfjord

17. mai vart markert etter tradisjonell oppskrift også i Bæverfjord. Det starta med tog frå Korsvika til kyrkja på føremiddagen, og forsette på Bæverfjord oppvekstsenter om ettermiddagen. Der vart det tale av leiar i Surnadal senterparti, Nils Håvar Øyås, før det vart underhaldning med song og musikk. Seinare vart det skramletog fram til Samvirkelaget og tilbake, samt tradisjonelle uteleikar. I år stod det blant anna springing og potetløp på programmet, og både barn og vaksne kasta seg ut i utfordringane!