Ved Solemssetra_1024x683

Trimtur og premieutdeling

Opprettet: 7. mai 2012
Opprettet av: Norunn Holten
Bæverfjord IL inviterer til både trimtur og premieutdeling tysdag 8. mai. Trimturen startar kl. 18.00. Da er det felles avmarsj frå Bæverfjord oppvekstsenter, og Solligjerdet er turmål for dagen. Etterpå, ca. 19.30, er det premieutdeling for fjorårets trimsesong ved Bæverfjord oppvekstsenter. Her vil det bli gullmerke og krus å få for dei mange som har gjort seg fortent til det. Dessutan blir det servert kake og kaffe eller saft til dei frammøtte.

Dei yngste deltakarane som var med på turen til Solemssetra den 3. mai. Det var snø det siste stykket opp mot setra, og snø var det også, som ein ser, i lufta. Det la slett ingen dempar på stemninga.... Foto: Norunn Holten

Alle som i 2011-sesongen har gjort seg fortent til anten gullmerke eller krus, eller kanskje til og med begge delar, har måtte vente lenge på premiane sine i år- no endeleg blir det! I samband med trimturen til Solligjerdet på tysdag vil det bli premieutdeling ved Bæverfjord oppvekstsenter. Da skal det delast ut rekordmange krus, heile 31 i talet. Talet på gullmerke er omtrent som dei siste åra. I tillegg til premiar, blir det også enkelt traktement.

Trimgruppa håpar at ekstra mange møter opp på turen til Solligjerdet, anten dei skal ha premiar eller ikkje etterpå. Turen er ein av dei kortaste, faste turane til idrettslaget, og er godt eigna også for dei yngste og nybegynnarar. Om nokon vil tjuvstarte på turen eller kutte ytterlegare ned på lengda, er det muleg å køyre fram til steinbrotet og starte der. Som alle turane til idrettslaget, er dei opne for både medlemmer og alle andre interesserte- alle er like velkomne, helsar trimgruppa.